'அரோகரா'

 தமிழ்க் கடவுள் முருகனை வணங்கும் போது 'அரோகரா' என்று பக்திப் பெருக விண்ணப்பிக்கிறோம்.

அரோகரன் என்பது முருகனின் தூய, மிகத்தூயத் தமிழ்ப்பெயராகும் பெயராகும்.

• அரன் +ஓகரன் = அரோகரன்

(விதி = நிலைச்சொல்லின் ‘ன்’விலகி இயல்பாய்ச் சேரும்)

எ.கா :

சிவன் + பெருமான் = சிவபெருமான்

முருகன் + கடவுள் = முருககடவுள்

அதுபோல …..

அரன் +ஓகரன் = அ(ர+ஓ)கரன் = அரோகரன்

• அரோகரன் சரி., அது என்ன அரோகரா ?

அரோகரா என்பது முருகனை பெயர் சொல்லி அழைக்கும் விளிச்சொல் / விளிப்பெயர் ஆகும்

(விதி = பெயரில் ’’ன்’’ இருந்தால் அது விலகி ‘’ஆ’’ சேரும் )

எ.கா :

முருகன் = ’’முருகா’’

கந்தன் = ’’கந்தா’’

(முருகன், கந்தன் என்பது பெயர் ஆகும் . ஆனால் அழைக்கும் போது முருகா, கந்தா என்றுதான் அழைப்பார்)

அதுபோலவே

அரோகரன் = ’’அரோகரா’’

• எல்லாம் சரி, அரோகரன் என்றால் பொருள் என்ன ?

அரன் = சிவன், அரசன், மாவீரன், நெருப்பு, மஞ்சள்

ஓகரம் = மயில் .

ஓகரன் = மயிலன், மயிலை ஆள்பவன்,மயில் வாகனன்

அரோகரன் என்றால்

= சிவனின்(மகன்) மயில் வாகனன்

= சிவமைந்தன், மயில்வாகனன் என்று பொருள் .

தமிழில் ஒவ்வொரு சொல்லுக்கும் , சொல்லில் உள்ள ஒவ்வ்வொரு எழுத்துக்கும் பின் ஒரு விதியோ , காரணமோ, குறிப்போ மறைதிருக்கும் .

• விதியில்லாமல் தமிழில்லை .
• விதிக்குள் இல்லை என்றால் அது தமிழே இல்லை .

பின் இணைப்பு : சிலரது ஐயங்களைப் போக்க சில விளக்கங்கள் :

• 1.அரன் +ஓகரன் = அரோகரன் -

இதில் அரொகரன் தானே வரவேண்டும் எப்படி அரோகரன் என்பதற்கான ஒரு விளக்கம் .

அரோகரா’’ என்ற விளிச்சொல்லே இங்கு அடிப்படை . அச்சொல்லில் இருந்தே நாம் பின்சென்று அதன் ஆடிப்படையைக் காண முயன்றவகையில் அடைந்த பெயர்ச்சொல்தான் அரோகரன் . ஆனால் இச்சொல் வழக்கில் இல்லை என்பதைக் கவனத்தில் கொள்ளவும் .

• 2.அரன் +ஓகரன் = அரோகரன் -

அரொகரா என்னும் சொல் உயர்குரலெடுத்து விளிக்கும்போது , அழைக்கும்போது அளபெடை எடுத்து அரோகரா ஆக வாய்ப்புண்டு

எ.கா : தெருவில் விற்பனை செய்வோரின் குரல்

தயிரு, தயிரோய்., மீனு, மீனோய்….. என்று அளபெடுத்து நீள்வது போல

• 3. அரன் +ஓகரன் = அரோகரன் -

ரொ→>ரோ வாக நீட்சியடைய வீரசோழியத்தில் இலக்கணக் குறிப்புகள் உள்ளன . வடமொழி சார்ந்த சொற்கள் இணையும் போது , அவை தமிழ் இலக்கண முறைப்படி இணையாமல் ( தமிழ் இலக்கணம் = உயிர்முன் உயிர் வந்தால் உடன்படுமெய் ய்/வ் மிகும் ) , வடமொழி இலக்கண முறையிலேயே இணையும்(வட இலக்கணம் = உயிர்முன் உயிர் வந்தால் . வருமொழியின் உயிர்க்குறில் நெடிலாகி இணையும் (பெரும்பாலும் ஏ அல்லது ஓ ஆகும் ).

அந்த வடமொழி இலக்கணமும் இங்கு ஊடுருவி ரொ→>ரோ —ஆக மாறி இருக்க வாய்ப்புண்டு .

— அவ்வளவே !